كل منا يصيبه الطفش والملل وفى رواية أخرى الزهق
وعشان خاطركم وخاطر المنتدي
جبت لكم طرق كثيرة للتخلص من الطفش ومجربه ومضمونه
ولكن فى البداية وقبل كل شي لازم نعرف الطفش
الطفش هو :- ان تكون طفشان <== لا ياشيخه
وله تعريف آخر هو ان تكون طفشان وبقوه لدرجه المووووووووت
أنواع الطفش
سمول وميديم ولا لارج
وأكس لارج <=== وهذا النوع يصيب السحالي علي وجه الخصوص.
عزيزى عزيزتى اليك هذه الخطوات والنصائح لكى تتجنب الطفش
1- اذا كنت في البيت والوقت متأخر وجالس لوحدك والأهل نايمين أكيد بتطفش ... طيب كيف أقضى على
الطفش؟؟ روح لعداد الكهربه وأفصل الكهرباء عن البيت
على طوول راح يصحو كلهم مفجوعين وانتا سو نفسك مفجوع ولاتدرى عن شي
وبعدهاا راح يتنكد نومهم وراح يجلسومعاك ويزول الطفش عنك
2- اذا كنت طفشان ولاعندك شىء تسويه ادخل الغرفه وطف النور وأستخبى ورا الباب وياحبذا تلبس
لك عبايه والا قناع وأى واحد يدخل قل لـــه بخ بوووووووو
<=== لست مسؤلاً عن رده الفعل
3- بالنسبة للتماسيح ارســــــل رسايل خــــــاصة لنفســــــــك واكتب فيها كلام حـــــــــلو ......... والتوقيع بنت من المنتدى
طبعا في كل مرة تستقبل فيها رسالة راح تنبسط وتدخل جو... وتسأل نفسك يا ترى مين اللي راسل لي
وكرر ارسال الرسايل الين ما يروح الطفش
4- غير فرش البيت يوم شيل الكنب حق المجلس حطه بالمطبخ ويوم شيل كنب الصاله حطه بالسطوح
<==== يسموه تغيير فى الديكور مما يذهب الطفش
5- بالنسبه للبنات اذا طفشتى مره روحى للمرايه وأجلسى مقابلتهاا وغيرى شكلك يعنى حطى روج
ازرق وظل اخضر وبخي شعرك احمر وحطى مناكير رمادي وياحبذا لو تحطي عدسات فسفوريه وربي
ياشيخه يتغير شكلك وتقولي مين الجنيه دي وياليت تصوري نفسك بالجوال
6- برضو للبنات اذا طفشتى حاولى تخترعي أكله اعطى الشغالة اجازه وأدخلى المطبخ وطبقى كتاب أبله
عطيات لأتعس الوجبات مع ملاحظه عدم تقديم هذه الوجبه الا للأخوه الأعداء يعنى فيه احد مزعلك قدمى
له الوجبه
7- بالنسبه للشباب طفشان ليه تروح تغسل سيارتك بعشرين او بثلاثين احسن لك جيب لك سطل
مويه ومعاه شويه صابون فيرى وفلينه من فنايلك ( يمنع استخدام السراويل )
وأشتغل فرك فى الكفرات اليين تدوخ وراح يزول الطفش وينهد حيلك وتنام
8- بالنسبه للبنات اذا طفشانه ولاعندك شىء تسويه بالبيت اقلبى بيتكم ذاك اليوم وخليه يوم الكنس
والغسيل العالمى يعنى نظافه غير طبيعيه والأدوات المطلوبه مكنسه طويله عدد اثنين
عدد واحد مساحه عدد واحد مكنسه صغيره للأماكن الى تحت المغسله
والأماكن الى ماتوصل لها المكنسه الطويله وعدد واحد لى مويه وتشبكيه فى الدينمو وأدهرررى غسيل
وياليت يكون يوم جمعه علشان البلديه ذاك اليوم معطلين ولاعندهم دوام اخاف يقطعو المويه .
9- للشباب والبنات طفشان حاول تخلى نفسك مفيد وجيب السواق وانتى جيبى الخادمه وحاول
تعلموهم اللغة العربية الف بااااء تاااء ....الخ << <== مع ملاحظه انك ماتنسى لغتك وتقول لأهلك
ايسسس فيه مسسسكله
10- امسك قلم وورقه وقول أنا بصير شاعر أو شاعره << لامانع يكون جنبك مجله فواصله اذا أنزنقت
الطش لك بيت والا بيتن ثم أدعسسسس
11- بالنسبه للبنات ادخلى اى محل فى اى سوق واذا شفتى اى ( تمساح ) قولى بصوت عالى
يالى ماتستحى تعاكس بنات الناس وأنسى الباقى الناس الموجودين بالمحل راح يحتفلوفيه احتفال خطير
غير مسبوق
افففففففففففففففف من جد طفش ياجماعه اللى عنده حل غير هذي الحلول يعطينا
[/center]
سبتمبر 1st 2010, 5:21 am من طرف miss pink
